Móvete con Mimi

 O alumnado de 3º de EP viaxou o pavillón de Príncipe Felipe para desfrutar do deporte de Tenis de Mesa xunto co alumnado do CEIP de Xeve. Pasámolo en grande, grazas a XOGADE, ADESPONT e o Clube de Tenis de Mesa de Monteporreiro.

 O alumnado de 3º de EP vai realizar unha actividade de Tenis de Mesa xunto con outros centros, pero antes de asistir, recibimos no noso centro, deportistas profesionais de Tenis de Mesa do Clube Monteporreiro de Pontevedra. Despois dunha sesión para coñecer este deporte, xa estamos preparados para asistir a actividade. Moitas grazas!!   

O alumnado de 2º de Educación Primaria viaxou ata o CEIP de Xeve para pasar unha mañá de convivencia a través de diferentes xogos. Esta actividade foi realizada dentro das actividades programadas por ADESPONT e grazas a XOGADE. 

 E por fin lle tocou o alumnado de 4º de EP asistir o seu intercentros, para iso viaxamos ata o Pavillón Municipal de Pontevedra, inda superando o retraso do transporte,  para xuntarnos con 12 centros máis da contorna para vivir unha mañá de convivencia e deporte. Todo isto foi posible grazas a nosa participación no XOGADE, a organización foi a cargo de ADESPONT, e coas colaboracións do alumnado e profesorado da Escola de Enfermería,  alumnado e profesorado do Ciclo do TSEAS e alumnado e profesorado do Juan XXIII, o Clube de Judo Cidade de Pontevedra, o clube Rugby Pontevedra e a Escola de Baile Pontebaile co seu director, Adrián Esperón; tamén colaboraron o supermercado Froiz e Peñasanta. Moitas grazas a todos e todos.

 O alumnado de 4º de EP está preparando a Xornada de Intercentros en Pontevedra coa visita de máis deportistas, nesta ocasión tocóunos recibir a Adrián Esperón da Academia de Pontebaile, para ensinarnos unha coreografía de baile deportivo. Unha sesión con moito ritmo.

 Ao alumnado de 1º de Educación Primaria tocóulle estrenarse no Xogade a través dun intercentros co CEIP Xeve. Foi unha mañá chea de deporte, charlas, xogos e moita convivencia con outros rapaces e rapazas. Moitas grazas a todos.